Милан се разбуди по почетниот шок, но не успеа да направи пресврт против Фиорентина (Видео)

Фиорентина имаше одличен почеток на дербито со Милан, но не успеа да ја задржи предноста до крајот на натпреварот (2:2) од Серија А.

Тиао постигна автогол уште во 7. минута, за три минути подоцна Кеан да зголеми на 0:2 и да ги шокира домашните фанови на „Сан Сиро“, носејќи голем предизвик за тимот на Серџо Консеисао.

Од тој момент Милан почна да игра поофанзивно, а Ејбрахам ги врати „росонерите“ во игра веќе во 23. минута, а на израмнувањето се чекаше до 64. минута кога резервистот Јовиќ претвори одлична асистенција на Фофана за 2:2 во Милано.

До крајот, Де Хеа имаше неколку одлични одбрани, возвраќаше и Мењан на другата страна, а голот на Додо во финишот беше поништен поради офсајд утврден со ВАР проверката.

Со денешниот бод, Фиорентина стигна до 52 бодови, колку што имаат и Рома и Лацио со натпревар помалку, додека Милан има 48 бодови.

Головите можете да ги видите ТУКА