Милан остана без важен играч за дерби средбите со Јувентус, ПСЖ и Наполи

Продолжува серијата повреди на фудбалерите кои периодов имаа обврски со своите репрезентации, а една од нив е поврзана со новата ѕвезда на Милан.

Италијанскиот клуб одреден период нема да смета на Самуел Чуквуезе, кој заработил повреда на квалификацискиот натпревар меѓу Нигерија и Мозамбик.

Првичните информации се дека Чуквуезе ќе паузира најмалку еден месец, а Милан допрва ќе го испрати на детални прегледи, по кои ќе бидат познати и повеќе детали.

Она што е јасно е дека Чуквуезе нема да биде во комбинација за претстојното италијанско дерби со Јувентус, дуелот со ПСЖ во Лигата на шампионите, како и пресметката со шампионот Наполи во домашниот шампионат.

Милан против Јувентус нема да смета ниту на суспендираните Мењан и Ернандес, како и повредените Лофтус-Чик и Круниќ.