Милан одбил понуда во последен момент за играчот кој го продаваше последниот месец

Милан го дочекува дербито со Лацио под голем притисок поради слабите резултати од почетокот на сезоната, а додека тренерот Пауло Фонсека се обидува да го „погоди“ составот, раководството одбило да продаде еден искусен играч во последните моменти од преодниот рок.

Милан им најде клуб на сите играчи кои беа на трансфер листата, со исклучок на Исмаел Бенасер, кој на крајот сепак ќе остане на „Сан Сиро“.

Француските медиуми тврдат дека Олимпик Марсеј синоќа постигнал договор со Алжирецот за трансфер во последниот ден од преодниот рок, но клубот не успеал да го убеди Милан да ја прифати продажбата на Бенасер.

Претпоставките се дека причина за ваквиот епилог е што Милан извиси за Ману Коне, кој заврши во редовите на Рома, па не сакал да го загуби и Бенасер, кој сепак има важна улога во ротацијата во средниот ред.

Милан претходно бараше клуб за Бенасер за да го финансира трансферот на Коне од Борусија Менхенгладбах, но Французинот заврши во редовите на ривалот Рома.