Милан му нанесе уште еден незгоден пораз на Реал Мадрид (Видео)

Милан оствари голема победа на гостувањето кај Реал Мадрид во Лигата на шампионите, нанесувајќи му уште еден незгоден пораз (1:3) на актуелниот шпански и европски шампион.

„Росонерите“ заслужено стигнаа до трите бода, постојано го контролираа резултатот и ги искористија шансите кои се појавија по неубедливите реакции на домашните фудбалери.

Тио во 12. минута го отвори резултатот со удар со глава по изведен корнер, а единаесет минути подоцна Винисиус изнуди пенал, кој самиот го претвори во гол и израмнување.

Сепак, Милан не се откажа од посакуваната победа и до крајот на полувремето Мората повторно ги носи гостите до предност на теренот.

Реал во вториот дел се обидуваше да израмни, но безуспешно, а голот на Рејндерс во 73. минута најави дека тимот на Карло Анчелоти се движи по нов непосакуван резултат против голем ривал.

На домаќините им беше поништен гол поради офсајд и до крајот не успеаја ниту да намалат, па сега и двете екипи имаат по две победи и два пораза во ЛШ.