Поврзете се со нас

Италија

Милан комплетираше важен трансфер и доби големо засилување во нападот

Објавено

на

Foto:x.com/acmilan

Милан успешно ги комплетираше преговорите со Феенорд и во финишот на преодниот рок доведе сериозно засилување за екипата на Серџо Консеисао.

„Росонерите“ го договориле трансферот на Сантијаго Хименез и Мексиканецот уште денеска треба да пристигне во Милано, каде ќе биде промовиран во новиот дрес откако ќе ги помине и медицинските прегледи.

Феенорд ќе заработи околу 35 милиони евра за овој трансфер, а интересно холандскиот клуб го испрати својот најдобар фудбалер во редовите на следниот противник во Лигата на шампионите.

Вчерашната ждрепка одлучи токму Милан и Феенорд да се соочат во двомечот од плејофот за место во осминафиналето на Лигата на шампионите, па со овој потег италијанскиот тим дефинитивно ќе биде голем фаворит во ова соочување.

Хименез утре ќе го следи градското дерби со Интер од трибините, а очекувањата се дека може да дебитира за Милан веќе во среда, кога избраниците на Консеисао ќе се соочат со Рома во Купот.

Advertisement
Advertisement

Италија

Advertisement

Популарни