Милан ќе се ослободи од играчот кој му даде два гола на Сити

Поранешниот италијански шампион Милан се обидува да донесе уште неколку засилувања, ама во исто време сака да се ослободи од играчите кои се прекубројни и не се во плановите на тренерот Пауло Фонсека.

Понекогаш и добрите настапи на подготовките не се доволни за да добиете шанса во голем клуб како Милан и потврда за тоа е ситуацијата со младиот Лоренцо Коломбо.

Коломбо му даде два гола на Манчестер Сити во пријателскиот меч пред неколку дена (3-2), меѓутоа клубот сака да се ослободи од него и според информациите ќе заврши во Емполи.

Се работи за позајмица и опција договорот да биде откупен. Лоренцо е дете на „црвено-црните“, но никогаш нема добиено вистинска шанса и во изминативе години беше испреќан на позајмици во Кремонезе, СПАЛ, Лече и Монца.

Инаку тој е под договор со актуелниот тим до 30 јуни 2028 година.