Милан ќе почека на прва радост сезонава – поразен од Парма

Ниту во второто коло од Серија А немаше среќа за „Росонерите“ кои допрва треба да победат оваа сезона. Милан вечерва беше поразен од Парма на гостински терен со резултат 2:1.

Парма славеше на легендарниот Енио Тардини, а миланезите по две кола имаат освоено само еден бод.

Парма поведе со 1:0 во втората минута, Ман погоди на асистенција на Валери и тоа беше резултатот од првото полувреме. Во продолжение Росонерите стигнаа до израмнување во 66. минута, Пулишиќ ја погоди мрежата на домаќините, асистенцијата беше заслуга на Леао.

Во 77. минута Парма дојде до ново водство, овојпат стрелец беше Канчелиери. До крајот на натпреварот Милан се обидуваше да дојде до реми, но Парма на крајот забележа голема победа

По две кола Парма е на второто место со четири освоени бода, додека Милан е на 16. место со еден бод.