Милан има подготвено привремен наследник за Консеисао

Серџо Консеисао не успеа да ги импресионира раководните структури во Милан и се чини дека тешко ќе обезбеди договор за по крајот на сезоната, но последните резултати најавуваат дека е можен крај на соработката и пред тоа.

Вчера Милан загуби од Болоња и си ја искомплицира ситуацијата во однос на борбата за место кое води во Лигата на шампионите, а тоа е само дополнителен притисок за Консеисао, кој претходно ги провоцираше челниците и со специфичниот начин на комуникација со фудбалерите и своето однесување на и надвор од теренот.

Италијанските медиуми тврдат дека Милан има подготвено привремена замена ако дојде до ситуација за отказ, а изборот е Мауро Тасоти.

Тасоти е клупска легенда и досега работеше во стручниот штаб на првиот тим во слична ситуација, додека во моментов работи со младинските категории на „росонерите“.

„Спортмедиасет“ тврди дека Тасоти е прв избор за човек кој би можел да обезбеди пристоен финиш на сезоната за Милан, додека раководството бара долгорочно решение за клупата во пресрет на новата сезона.