Милан има листа од четири засилувања за зимскиот преоден рок

Милан влезе со нов тренер во 2025 година и тоа во името на Сержио Консеисао и со надеж дека Португалецот ќе може да го извлече најдоброто од актуелниот состав.

Во исто време „росонерите“ размислуваат за засилување во овој преоден рок, играч кој може да му помогне на Консеисао, па според италијанските медиуми четири имиња се во игра за офанзивата од кои две се во прв план и му се добро познати на новиот предводник на „росонерите“.

Првиот е Франциско Тринкао од Спортинг, некогашниот фудбалер на Барселона кој има учинок од 6 гола и 11 асистенции на 27 средби. Тој би можел да биде достапен за цена од околу 25 милиони евра.

Опција е и Пепе од Порто со кого Консеисао работеше во португалскиот великан и чии квалитети многу ги цени. Пепе е Бразилец, но има и италијански пасош, фудбалер кој може да ги покрие сите позиции во нападот.

Останатите двајца се Манес Аклиуш од Монако и Џејми Левелинг од Штутгарт.