Милан и Рома во напредна фаза на преговорите за размена на фудбалери

Италијанските клубови ќе се обидат да обезбедат уште некое засилување до крајот на преодниот рок, а Милан и Рома започнале преговори за размена на двајца фудбалери, кои во моментов веројатно му се попотребни на соодветниот ривал.

Медиумите тврдат дека претставници на двата клуба и агентите веќе започнале конкретни преговори за размена на Тами Ејбрахам и Алексис Салемакерс, па останува да се договорат многу детали пред целосна реализација на идејата.

Покрај тоа што Рома ќе го добие Белгиецот, треба да заработи и 10 милиони евра од разделбата со англискиот интернационалец и неговата преселба во Милано.

Ејбрахам не е во плановите на Даниеле Де Роси и самиот знае дека мора да најде нов клуб за да добива минутажа, додека Салемакерс се врати од заемот во Болоња и Милан се обидува да најде солуција за играчот за кој нема место кај „росонерите“.

Италијанските новинари пренесуваат дека Салемакерс веќе ги договорил личните услови со Рома и засега размената ја кочат преговорите на Ејбрахам со Милан.