Милан го избра новиот спортски директор

Италијанскиот фудбалски великан Милан веќе некое време е во потрага по нов спортски директор, оперативец кој ќе има одговорна функција во процесите и враќањето на клубот на вистинските патеки.

Во јавноста се споменуваа повеќе имиња, а според „Кориере Дело Спорт“ изборот на крај паднал врз Фабио Паратичи. Паратичи одлично ја знае сцената во Италија, потоа беше дел и од премиерлигашот Тотенхем и со своето искуство, знаење треба да биде големо засилување за „црвено-црните“ од Милано.

Според „Кориере Дело Спорт“ во наредните недели се очекува да има официјална потврда на оваа вест со што конечно ќе биде затворено прашањето за кое често се пишуваше во медиумите.

Паратичи се очекува да ги преземе одговорностите кои моментално ги делат извршниот директор Џорџо Фурлани и иконата на клубот Златан Ибрахимовиќ.