Милан договорил уште едно засилување, Бразилецот одбрал специјален број

Милан активно работи на засилување на екипата и се очекува наскоро да бидат промовирани играчи кои ќе им се приклучат на веќе официјализираните Алваро Мората и Страхиња Павловиќ.

„Росонерите“ веќе затворија една операција и тоа е онаа за Емерсон Ројал од Тотенхем, поточно сега се чека само потврда од клубовите. Медиумите пренесуваат дека зделката ќе биде 15 милиони евра, плус уште 2 милиони евра кои се возможни ако се исполнат одредени ставки во договорот.

Според „Газета Дело Спорт“ Бразилецот ќе пристигне во недела, а во понеделник ќе ги мине медицинските тестови.

Емерсон веќе и го избрал бројот со кој ќе настапува, тоа е бројот 22 кој во минато го имаше легендарниот Кака кој остави голема трага во Милано.

😑 #EmersonRoyal 2️⃣2️⃣🇧🇷🔴⚫ pic.twitter.com/1WUMlgXyny

— Solo Milan (@solo_milan24) August 9, 2024