Милан добил прва официјална понуда за Ребиќ

Промените во спортско-техничкиот сектор на Милан најавува нова трансфер стратегија на клубот, но се чини дека дел од фудбалерите мораа да заминат и во двете ситуации.

Еден од нив е Анте Ребиќ, напаѓачот кој последната сезона не добиваше голема минутажа од Стефано Пиоли и речиси сигурно веќе нема да го облече дресот на „росонерите“.

Италијанските медиуми денеска информираат дека Милан добил официјална понуда за Ребиќ од Бешикташ, што е прва понуда од ваков вид за хрватскиот интернационалец.

Бешикташ се обидува да ги претрка останатите клубови кои се заинтересирани, а сигурно ќе му обезбеди и примамливи финансиски услови на напаѓачот.

Турскиот клуб веројатно ќе треба да издвои околу 10 милиони евра за трансферот, а во игра е и Ајнтрахт Франкфурт, каде Ребиќ остави одличен впечаток и на тој начин си го обезбеди трансферот во Милан.