Милан доби нов голгетер и запиша нови три бода (Видео)

Тијани Рејндерс ги освои симпатиите меѓу навивачите на Милан со својата борбеност и креацијата во заршната третина, но оваа сезона придодаде уште еден голем квалитет во својата игра, кој дефинитивно прави и огромна разлика на теренот.

Холандскиот репрезентативец се претвори во нов и неочекуван голгетер за Фонсека од стартот на сезоната, бидејќи денеска со новите два погодоци стигна до бројката од шест голови во сите натпреварувања.

Милан врза нова победа по онаа над Слован Братислава и денеска на домашен терен немаше проблеми против Емполи, тим кој едноставно немаше сили да го предизвика фаворитот од Милано.

Алваро Мората го отвори резултатот со гол во 19-та минута, додека пред крајот на првиот дел погоди Рејндерс за покомотна предност.

Истиот играч сам заврши и една контра на домаќините во 69-та минута од натпреварот, по што стана јасно дека трите бода и дефинитивно остануваат на „Сан Сиро“.

Головите погледнете ги ТУКА