Поврзете се со нас

Италија

Милан чека шанса да го „грабне“ Дибала

Објавено

на

Милан по подолго време дојде до пехарот во Серија А, успех кој дефиниитвно донесе нова енергија, возбуда, надеж дека клубот конечно ќе се врати на патеките на кои заслужува да биде.

Веќе нареднава сезона ќе покаже дали минатава кампања била само блесок на „росонерите“ или едноставно се работи на вистински начин, односно тимот ќе биде во позиција да се бори за титулите во Италија и да биде што поконкурентен во Европа.

Многу од тоа ќе зависи како Милан ќе го одработи овој летен преоден рок во кој шампионот е доста мирен иако се поврзува со неколку играчи, ама нема комплетирано значаен трансфер. Тоа може да се случи во иднина и според „Газета Дело Спорт“ тоа може да биде Пауло Дибала.

Дибала е не мета на Интер кој се обидува да го „врзе“, ама засега се е отворено и ова му остава простор на градскиот ривал да проба да го ангажира Аргентинецот. Пауло за неколку дена ќе биде слободен играч и ќе може без проблеми да ја избере новата средина, а ако тоа биде Милан ќе мора да прифати значително помала плата.

Паоли Малдини и Рики Масара го имаат главниот збор во трансфер политиката на „црвено-црните“ и останува да се види дали Дибала кој за Јуве даде 115 гола на 293 може да го облече дресот на седумкратниот европски шампион.

Реклама
Реклама
Реклама

Популарни