Мијатовиќ со оценка за рекордерот Анчелоти: Реал го очекува невозможна мисија

Предраг Мијатовиќ редовно ги коментира случувањата поврзани со Реал Мадрид за еден шпански медиум, а така било и по вчерашното финале на Интерконтиненталниот Куп и триумфот против Пачука во Катар.

Црногорската легенда последниот период често му испраќаше совети на Карло Анчелоти за да го подразбуди својот тим, па и го критикуваше Италијанецот, но сега испрати сериозни комплименти на сметка на тренерот на Реал.

– Прво, да му честитам на Анчелоти што стана најтрофеен тренер во историјата на најголемиот клуб, тоа воопшто не е мала работа.

– Според мене, тој е број еден тренер во историјата без никакви дилеми, со своето знаење, со однесувањето, со освоените титули.

– Тој е многу комплетен тренер и Реал долго ќе бара профил како неговиот. Ќе има помлади, помодерни тренери, но тешко ќе биде да се најде стручњак со толку многу квалитети како Карло. Дури мислам дека ќе биде и невозможна мисија, – рекол Мијатовиќ.