Михтарјан чекор поблиску до Интер, веќе ги минал медицинските прегледи

Хенрик Михтарјан сенаоѓа на чекор од официјализирање на соработката со Интер откако успешно ги минал медицинските прегледи.

Ерменскиот интернационалец ќе го смени дресот на Рома со тој на Интер и ќе потпише договор со „нероаѕурите“ до 2024 година.

Михтарјан на „Џузепе Меаца“ доаѓа како слободен агент и ќе треба да претставува засилување во средината на теренот, место каде тимот на Интер остана без еден од своите најдобри фудбалери, Иван Перишиќ кој реализираше трансфер во Тотенхем.

По Михтарјан, треба да се официјализира и трансферот на Андре Онана. Двата договори ќе бидат средени до крајот на оваа недела.

Потоа на ред ќе дојде и најзвучното засилување на Интер, Ромелу Лукаку кој ќе пристигне во Милано на медицински прегледи следната недела, а веднаш потоа ќе го потпише и едногодишниот договор со клубот.