Михајло Михајловски: Дечките изгинаа на терен, Раул беше маестрален

Од Келн за „Дерби“,
Александар Табаковски

Поранешниот претседател на РК Вардар, Михајло Михајловски, во Келн ги следеше натпреварите на „црвено-црните“ и по големиот триумф над ПСЖ го истакна големото задоволство од историскиот резултат.

– Ова е најубавиот ден во мојата долга историја во ракометот. Денеска е гордост да се биде овде, да се биде Македонец, ова е најголем успех не само за македонскиот ракомет, туку и за македонскиот спорт.

– Вардар дојде овде првпат, дечките изгинаа на терен, браво за Самсоненко кој го води клубот, за Раул кој маестрално ја водеше екипата. Видете што се случи на крајот, се покажа како одличен тајм-аут по кој го постигнавме голот. Дај Боже да имаме уште вакви денови… потенцираше Михајловски за „Дерби“.