Мичел за бисерот на Барселона: Прави разлика, може да го достигне нивото на Меси

Барселона успешно ја реши Џирона (4-1) во каталонското дерби во Примера во меч во кој избраниците на Ханси Флик доминираа и можеа да постигнат уште неколку гола во мрежата на Газанига.

Најрасположен за игра во победничкиот тим беше талентираниот Ламин Јамал кој даде два гола и сега по пет рунди во шампионатот има три погодоци и четири асистенции.

Офанзивецот доби многу комплименти, пофални зборови од Флик, соиграчите, но и од противничкиот тренер, Мичел кој порака дека тинејџерот може да го достигне и нивото на легендарниот Лионел Меси, најголемиот играч во историјата на Барселона.

-Ламин прави разлика. За мене тој веќе е еден од најдобрите играчи во светот со 17 години. Тешко е да се замисли дека по Меси ќе дојде друг [како него], но се надевам дека Ламине ќе продолжува да се подобрува бидејќи тој е играч што може да го достигне тоа ниво, -рече стратегот на Џирона.