Мхитарјан е убеден: Интер може повторно да игра финале на ЛШ

Ерменскиот интернационалец, Хенрик Мхитарјан е убеден дека Интер може повторно да игра финале на Лигата на шампионите.

„Нероаѕурите“ имаат променливи игри и резултати во досегашниот дел од сезоната, но тоа што е најважно е дека се конкуретни и притоа кај нив постои желба, самодоверба дека ќе бидат на повисоко ниво како што ќе теча кампањата.

Мхитарјан смета дека овој состав има се што е потребно за да стигне до крајот на елитното натпреварување како што тоа пред две години го направи во Истанбул каде во еден драматичен, израмнет дуел загуби од Манчестер Сити со 1-0.

-Сите мислеа дека Сити ќе даде четири гола против нас, но ние одигравме навистина добро и заслуживме да ремизираме, па дури и да победиме.

-Враќањето таму би било сон, иако патот е подолг од пред две години. Ама ние веруваме во тоа: уверени сме дека можеме повторно да стигнеме таму, порача офанзивецот за „Кориере Дела Сера“.