Меси збеснa и имаше контакт со Оливера, голем број фанови сметаат дека заслужил црвен картон (Видео)

Лионел Меси не остана имун на мешаниците кои се случуваа на дуелот меѓу Аргентина и Уругвај од квалификациите за СП, а негативниот резултат и провокациите на гостите дополнително ја вжештија ситуацијата на теренот.

Матијас Оливера влезе во вербален дуел со Родриго Де Паул, на теренот се направи мешаница, но се чинеше дека нема да има поголем инцидент, а на крајот порака до Уругваецот реши да испрати и самиот Меси.

Најголемата ѕвезда на аргентинската репрезентација го оттурна со лакт и го фати за врат репрезентативецот на Уругвај, но судијата не реагираше на неговиот потег.

Голем број фанови сметаат дека Меси заслужил црвен картон, за што е отворена жестока дебата и на социјалните мрежи.

Messi grabbed Mathias Olivera by the throat 😂 pic.twitter.com/C7By3bGK48

— Fancy Di Maria (@FancyDiMaria_) November 17, 2023