Меси за ривалството со Роналдо: Петнаесет години бевме на врвот…

Аргентинскиот репрезентативец, Лионел Меси дојде до уште едно големо признание во неговата кариера, најдобар светски фудбалер за минатава година, односно освои нова „Златна топка“.

Тој по осми рекорден пат ја освои оваа награда што најдобро говори за неговиот квалитет, конзистентност низ годинитте во кои имаше многу битки со Кристијано Роналдо. Сега двајцата тргнаа по други патишта, едниот е во САД, другиот во Саудиска Арабија, меѓутоа тоа нивно ривалство, надигрување, туркање за да бидат подобри дефинитивно ќе остане запаметено во светот на фудбалот.

-Тоа беше голема битка, од спортска гледна точка. Се храневме со ривалството меѓусебно бидејќи и двајцата сме големи натпреварувачи. И тој исто така, секогаш сакаше се да освои, цело време. Беше многу пријатно време за двајцата и за сите што го сакаат фудбалот.

-Мислам дека заслужуваме голема заслуга што успеавме да останеме на врвот толку долго. Бидејќи како што велат, лесно е да се стигне до таму. Она што е тешко е да се остане таму. И останавме на врвот десет, петнаесет години. Многу е тешко да се остане на тоа ниво и тоа е спектакуларно. И мислам дека останува добар спомен за сите оние кои не следеа, -истакна Лео за „Л’Екип“.