Меси со важна порака пред финалето на Копа Америка: Го загубив стравот

Лионел Меси одигра еден потпросечен турнир на Копа Америка за свои стандарди, а причина за тоа беше повредата на адукторот која го оневозможи да го даде најдоброто од себе.

Меси паузираше на еден меч и играше со голема претпазливост на натпреварот против Еквадор, но сега пред големото финале кое се игра во понеделник наутро по средноевропско време, капитенот на Аргентина соопшти добри вести за фановите.

Лео призна дека имал лимитирани движења и дека се плашел да ја влоши повредата, но тоа чувство сега се загубило на неполни два дена пред финалето со Колумбија.

– Го загубив стравот кој го имав и тоа е добра вест. За финалето ќе се чувствувам подобро од последните неколку меча. На последниот меч со Канада почнав да го губам стравот, а сега целосно го нема.

– Заработив проблем на меечот ос Чиле, но со Канада почнав да го губам стравот. Претходно н игравм комотно и играв со „сопирачка“. Имав болки кога правев брзи движења, најлошо беше на мечот со Еквадор. Имав блокада во главата, но сега го загубив стравот и подготвен сум за финалето, – изјави Меси.