Меси со прва реакција по шокантната елиминација на Интер Мајами во МЛС плејофот (Фото)

Лионел Меси ја заврши сезоната во МЛС порано од очекуваното, а неговиот клуб Интер Мајами ќе мора да почека барем до следната сезона за позабележителен успех во домашното првенство.

Амбициозниот клуб од Флорида имаше најдобар резултат во регуларниот дел од сезоната, но киксна уште во првата рунда на плејофот, во која Меси и соиграчите загубија со 2:1 во трите одиграни средби со Атланта Јунајтед.

Меси очекувано е разочаран од ваквиот епилог и покрај одличниот индивидуален ефект, а неколку дена по елиминацијата, преку Инстаграм испрати порака до фановите.

– Заврши сезоната во која продолживме да растеме како клуб и иако постигнавме одредени цели, сакавме многу повеќе.

– Благодарност до сите луѓе кои ни се придружија и не поддржуваа, а сега ќе се подготвиме, за да се вратиме посилни следната година, – напишал Меси.

 

View this post on Instagram

 

A post shared by Leo Messi (@leomessi)