Меси со мајсторски погодок обезбеди реми за Интер Мајами (Видео)

Интер Мајами одигра трето реми по ред во МЛС, а Лионел Меси успеа да го обезбеди бодот за својот тим со атрактивен погодок во второто полувреме.

Составот од Флорида гостуваше кај Шарлот, а за дополнителна еуфорија на трибините се погрижил Свидерски, кој во 57. минута донесе предност за домашниот тим.

Интер Мајами мораше посериозно да тргне во офанзива за израмнување, а реализацијата дојде десетина минути подоцна, кога Меси доби доволно простор за лесно да се ослободи од еден дефанзивец, а потоа и да испрати прецизен удар кој противничкиот голман не можеше да го скроти.

It just had to be him 🐐 💥 pic.twitter.com/hX0cuCd3E6

— Inter Miami CF (@InterMiamiCF) September 29, 2024

И покрај серијата нерешени резултати, Интер Мајами е на врвот на МЛС, со седум бодови повеќе од Л.А Галакси.