Меси се врати во голем стил: Два гола и асистенција за победа на Интер Мајами (Видео)

Лионел Меси паузираше два месеца, но уште на камбекот на официјалните натпревари издоминира со два гола и асистенција во победата на Интер Мајами.

Аргентинецот приреди шоу за домашните фанови во победата над Филаделфија (3:1), инспирирајќи го пресвртот на составот од Флорида.

Филаделфија повела уште во 2. минута, но потоа доби одговор од Меси и соиграчите, а токму Аргентинецот израмни во 26. минута, за само неколку минути подоцна да направи пресврт со својот втор гол.

Во судиското надополнување, Меси му возврати на Суарез за претходната асистенција, проигрувајќи го Уругваецот за тој да ги постави конечните 3:1 на „Чејс“ стадионот.

Меси поставил и нов МЛС рекорд, откако стана играч кој најбргу стигнал до ефект од 15 голови и 15 асистенции (19 натпревари), со што го собори досегашниот рекорд на Себастијан Џовинко.