Меси: Ова е крај на еден циклус, освоив се што можев

Лионел Меси ја круниса својата успешна приказна со титула со Аргентина на Светското првенство во Катар, единствената титула која му недостасуваше во неговата кариера со што заокружи една фантастична приказна.

Самиот тој е свесен дека пехарот со „гаучосите“ значи затварање на еден циклус, а она за што жали е што не можеше Диего Армандо Марадона да слави заедно со нив, да му го даде трофејот и сите заедно да се радуваат на триумфот кој Аргентина го чекаше скоро четири децении.

-Ова е крајот на мојата кариера, затварање на еден циклус. Постигнав се со националниот тим за што секога сонував. Освоив сè во мојата кариера, индивидуално. Се работеше за затворање на мојата кариера на уникатен начин. Никогаш не замислував дека сето ова ќе ми се случи кога започнав и доаѓањето до овој момент беше најдобро. Немам за што да зажал и не можам да побарам повеќе. Ние ги освоивме Копа Америка [во 2021 година] и СП, ништо не останува.

-Би сакал Диего да ми го дадеше трофејот или барем ова да го видеше, да ја види Аргентина како светски шампион. Со се што сакаше и колку го сакаше националниот тим. Мислам дека одозгора, тој – како многу луѓе што ме сакаат – беа силни, -порача Лео за „Урбана Плеј“.