Меси МВП на сезоната во МЛС лигата, синовите му ја доделија наградата (ВИДЕО)

Аргентинскиот репрезентативец, Лионел Меси е прогласен за најдобар играч на сезоната во МЛС лигата.

Членот на Интер Мајами доби најголем број на гласови од играчите, медиумите и клубовите или поточно 38.43 проценти. Ветеранот учествуваше во 36 гола на својата екипа или поточно имаше 20 голови и 16 асистенции и покрај тоа што настапи на само 19 натпревари поради повредите и учеството на Копа Америка.

Тој беше лидер на екипата која испиша историја по бројот на освоени бодови во една МЛС сезона, поточно беше предводник на составот кој го освои трофејот за најдобар учинок во регуларниот дел на шампионатот.

Лео заедно со Карлос Вела и Себастијан Џовинко се единствените тројца играчи со 20 погодоци и 15 асистенции во една сезона.

Инаку наградата која ја носи името Лендон Донован му беше предадена на Аргентинецот на убав настан, а признанието директно го доби од синовите Тиаго, Матео и Чиро.

Introducing the 2024 Landon Donovan @MLS Most Valuable Player – Leo Messi 🏆 Inspirando a la @InterMiamiAcad dentro y fuera de la cancha ✨ pic.twitter.com/UQGnCb41Ht

— Inter Miami CF (@InterMiamiCF) December 6, 2024