Меси може да добие познато друштво: Интер Мајами сака да ангажира уште еден светски шампион

Интер Мајами ќе биде новиот клуб на Лионел Меси кој се реши да се пресели во САД и покрај неверојатната понуда од Саудиска Арабија, но и можноста да се врати во Барселона.

Со ова се затвори ова прашање кое постојано беше актуелно изминатиов период, но Интер Мајами не планира тука да застане кога се во прашање големите имиња и според „Тик Спортс“ на нивниот радар е Анхел Ди Марија.

Ди Марија ќе биде слободен агент по 30 јуни и без проблеми ќе може да ја одбере новата средина која може да биде МЛС лигата. Фактот што Меси ќе биде во оваа екипа е нешто што офанзивецот може да го привлече. Клубот веќе е запознат со условите кои треба да се исполнат за да се реализира оваа зделка што значи дека овој реалтивно нов тим може да добие два актуелни светски шампиони во своите редови.