Меси: Моравме да загубиме, но ова беше добар тест за нас

Селекцијата на Аргентина го претрпе првиот пораз во квалификациите за Светското првенство и тоа од Уругвај кој славеше во Буенос Аирес со 2-0 со погодоците на Араухо и Нуњез.

Актуелниот шампион делуваше доста нервозно, немаше решение за гостите кои одиграа компактно, знаеја што сакаат на овој меч и го собраа трите бода.

Капитенот на „гаучосите“, Лионел Меси смета дека на оваа пресметка мора да гледааат како еден добар тест и веќе да се прикажат во најдобро светло во новото дерби против Бразил на „Маракана“.

-Знаевме со каков тим се соочуваме, тешко ни беше да ги покажеме нашите можности. Играат со интензитет, имаат физички силни и брзи играчи и не принудија да играме еден на еден. Не се чувствувавме удобно. Мораме да застанеме на нозе и да играме добар фудбал во Бразил. Може да се види каква работа Биелса завршил. Ама моравме да загубиме, ова беше добар тест за нас, -порача Лео.