Меси ќе го пропушти незгодното гостување на ПСЖ во Германија

Пропуштањето на вчерашниот тренинг беше најава, а денеска стигна и потврда дека Лионел Меси е повреден и нема да патува со соиграчите од ПСЖ во Германија.

Парижаните имаат незгодно гостување кај РБ Лајпциг, а Меси нема да биде меѓу патниците, потврди клубот.

– Меси се пожали на болка во коленото на левата нога по незгоден удар, – вели лекарскиот тим на ПСЖ, кој го елиминираше Аргентинецот од утрешното гостување.

Тренерот Маурисио Покетино претходно потврди дека Меси се пожалил на болка на дуелот со Лил, но изрази надеж дека ќе може да смета на најголемата ѕвезда во тимот за дуелот во ЛШ.

За разлика од Меси, Килијан Мбапе се враќа во составот и ќе биде во комбинација за дуелот со РБ Лајпциг, а повредени и натаму се Верати, Паредес и Рамос.

Le groupe parisien pour #RBLPSG ! 📋🔴🔵

🏆 @ChampionsLeague

— Paris Saint-Germain (@PSG_inside) November 2, 2021