Меси ја прими топката на средината на теренот, па режираше магија во комбинација со Суарез (Видео)

Интер Мајами ја мината првата пречка во КОНКАКАФ шампионскиот Куп, откако тимот од Флорида беше подобар и во вториот дуел со Спортинг Канзас Сити.

Натпреварот на домашен терен беше решен уште во првото полувреме во кое Интер Мајами постигна три голови, а еден беше дело на феноменалниот Лео Меси.

Аргентинецот ја прими топката на средината на теренот и потоа режираше магична комбинација со Луис Суарез, па откако доби повратна топка, мајсторски успеа да ја смести истата во мрежата со полу-волеј.

Магијата на Лео само потврдува дека ја почнува сезоната во извонредна форма, бидејќи Аргентинецот сега има биланс од два гола и две асистенции на три одиграни меча.

Во продолжение од натпреварот, во листата на стрелците се запиша и Суарез, а по неговиот гол за 3:0, Канзас Сити до крајот успеа да се избори само за почесен погодок и подостоен пораз (3:1).

Видеото од голот на Меси погледнете го ТУКА