Меси чувствува посебни симпатии кон една легенда на Реал: Отсекогаш му се воодушевував, но и страдав бидејќи е од Мадрид!

Лионел Меси за многумина е најдобар играч во историјата на фудбалот, па иако овој став никогаш нема докрај да биде општо прифатен од целата спортска јавност, јасно е дека Аргентинецот сигурно е еден од најголемите кои некогаш го заиграле овој спорт.

Меси освои се што може да се освои на клупски и репрезентативен план и истото важи кога се во прашање и индивидуалните награди, а во ситуација кога тој е ставен во ранг на Роналдо, Марадона и Пеле, според него има и други играчи кои испишаа историја во фудбалот.

Поради специјалната врска која ја имаат со нивниот спонзор „Адидас“, Меси и Зинедин Зидан воспоставија симпатичен однос низ годините, а Лео сега вели дека Зизу е фудбалерот на кој посебно му се воодушевувал, без оглед на тоа што е легенда на Реал Мадрид.

– За мене Зидане е еден од најдобрите играчи во историјата на фудбалот, отсекогаш сум му се воодушевувал.

– Многу го следев додека играше за Реал Мадрид и патев поради тоа што е од Мадрид. Отсекогаш беше вистински играч. Тој беше поинаков од останатите, елегантен, висок, магичен. Едноставно имаше се, – вели Меси.