Мертенс притиска за трансфер во Премиер лигата

Речиси е сигурно дека Дрис Мертенс ќе си замине од редовите на Наполи по крајот на оваа сезона.

Белгискиот интернационалец со своите одлични игри го привлече вниманието на бројни европски клубови кои сакаат да го видат во своите редови.

Заинтересираните тимови нема да треба да плаќаат ниту евро затоа што Мертенс ќе стане слободен агент по крајот на сезоната и ќе може да ја промени средината без никакво обесштетување.

„Кориере дело Спорт“ пренесува дека Мертенс го притискал неговиот агент да му обезбеди трансфер во редовите на Челси.

Англискиот клуб подолг период се интересира за Мертенс, а според Ди Марцио испратил и понуда минатиот јануари во висина од 10 милиони евра. Сепак истата тогаш била одбиена со образложение дека од Наполи ќе почекаат Мертенс да стане нивен најдобар стрелец во историјата, што подоцна Белгиецот и го реализираше.

Сега, како слободен агент тој веројатно ќе се пресели на „Стемфорд Бриџ“ и ќе му се придружи на Хаким Зијеш кој веќе стави потпис на договор со „сините“ уште пред неколку месеци.