Мерсон за Палмер: Му давате деветгодишен договор? Како можеш да ми кажеш…

Англискиот репрезентативец Кол Палмер доби нов подобрен договор од Челси според рок треба да остане на „Стемфорд Бриџ“ дури до 2033 година.

Офанзивецот имаше фантастична сезона и беше една од светлите точки на „сините“, па со тоа избори место и во англиската селекција со која настапи на Европското првенство. Тој имаше учинок од 25 голови и 15 асистенции, учинок кој според Пол Мерсон нема да биде повторен затоа што екипите сега ќе бидат далеку пофокусирани на некогашниот член на Манчестер Сити.

-Тој имаше неверојатна сезона и е добар играч, но оваа сезона секој разговор на [противничкиот] тим ќе биде „запрете го Кол Палмер“. Тој го има тоа сега цело време. И сега му давате деветгодишен договор? Не сум сигурен [ќе постигне 15 гола]. Минатата сезона беше нереален. Оваа сезона ќе биде маркиран.

-Го видовме милион пати, како со Адебајор. Искина во Арсенал, доби нов договор и беше обележан. Ќе биде тешко. Ако постигне 15 гола следната сезона, ќе бидам како „уф, секога чест за тебе“. 15 се многу голови, -вели Мерсон кој не ја разбира политиката на Челси на договори на шест, седум, девет години.

-Тие не знаат што прават. Не сум ужасен, но како можеш да кажеш каков [Палмер] ќе [биде] за девет години. Ми се допаѓа, но тие им даваат на овие играчи шест, седум, осум годишни договори. Некои од нив дури и не играат, дури и не влегуваат во тимот. Тоа е една од причините поради која Конор Галагер заминува затоа што му понудиле само две години.

-Знаете (Жоао) Кансело, пред три години во Манчестер Сити тој ја однесе играта на друго ниво. Една година подоцна тој буквално го нема од Сити. Не можете да кажете какви ќе бидат овие играчи за шест, седум години, -заклучи поранешниот англиски репрезентативец.