Мерсон за кризата во Челси: Покетино почнува да паничи

Пол Мерсон во изјава за „Скај Спортс“ зборувал за кризата во Челси и важноста на натпреварот против Брајтон во Лига купот.

Избраниците на Маурисио Покетино се во негативна серија и во септември не постигнаа ниту еден гол, па вечерашниот натпревар има посебно значење од повеќе аспекти.

Тоа го истакнува и Мерсон, кој смета дека ситуацијата во лондонскиот клуб станува алармантна.

– Карабао (Лига) купот му е потребен на Челси како на никој друг клуб. Тотенхем одмораше фудбалери и доживеа елиминација, но кога ги гледате сега, сфаќате дека се борат за место во Лигата на шампионите и тој потег веројатно ќе им се исплати.

– Но, Челси не може да победи никого, многу клубови би посакале распоред каков што има овој клуб. Њукасл на пример ја започна сезоната со натпревари против Астон Вила, Ливерпул, Сити и Брајтон, а има четири бода повеќе од Челси. Ако погледнете распоредот за следните 10 натпревари на Челси, навистина треба да бидете загрижени за нив.

– Дури и Покетино излезе со изјава дека се работи за процес во кој треба трпение, а кога менаџер ќе изјави такво нешто, значи дека веќе паничи. Се надевам дека клубот ќе биде трпелив, но почнувам да се грижам за него, – изјавил Мерсон.