Мерцедес му понудил рекорден договор на Хамилтон

Формула 1 тимот на Мерцедес посакува брзо враќање на врвот и прекинување на серијата на Ред Бул, а тоа веројатно е невозможно без Луис Хамилтон.

Договорот на седумкратниот шампион истекува наскоро, а германскиот тим веќе му понудил продолжување на соработката со рекордна плата.

Британските медиуми тврдат дека Хамилтон годишно би заработувал повеќе од 70 милиони евра, што ќе биде нов Ф1 рекорд, па се чини дека пилотот тешко ќе може да одбие ваква понуда.

Досега Хамилтон заработуваше околу 40 милиони евра, но имаше и бонус од дваесетина милиони за освоена титула.

Со новиот договор, Хамилтон нема да биде условен со титула, а ќе заработи и повеќе пари од сезоните во кои ја освојуваше титулата.