Мерцедес го потврди наследникот на Хамилтон, тој го искрши болидот на Расел уште на дебито

Заминувањето на Луис Хамилтон во редовите на Ферари одамна ја отвори дилемата за тоа кој ќе му биде тимски колега на Џорџ Расел следната сезона во Формула 1, а Мерцедес денеска и официјално стави крај на шпекулациите.

Нов член на германскиот тим ќе биде Андреа Кими Антонели, а 18-годишниот Италијанец ќе добие едногодишен договор чие продолжување ќе зависи од перформансите во текот на следната сезона.

Интересно е што договорите на Расел и Антонели ќе завршат во 2025 година, па Мерцедес ја заджа опцијата за дополнителни промени во пресрет на првата сезона во која ќе стапат на сила нови регулативи во Формула 1, а се чини ќе ги оддржува реални и шпекулациите за евентуална соработка со Ферстапен.

Антонели ќе дебитира во болидот на Мерцедес на трката во Австралија следната година, а со 18 години и 203 дена ќе стане трет најмлад возач во Ф1, по Макс Ферстапен и Ленс Строл.

Италијанецот кој е роден во Болоња и досега настапуваше во Ф2 шампионатот не се прослави на првиот официјален настап за Мерцедес, откако вчера на тренингот во Монца исфорсирал во еден свијок и сериозно го оштетил болидот на Расел.

Not the FP1 outing that Kimi Antonelli was looking for 😔#F1 #ItalianGP pic.twitter.com/KmEHF8Ewv8

— Formula 1 (@F1) August 30, 2024