Менхегладбах му фати сеир на Баерн за историскиот пораз, но истовремено го „пецна“ и Јунајтед (Фото)

Борусија Менхегладбах испиша своја историја изминатава вечер во ДФБ Покал Купот, бидејќи се погрижи да видиме неверојатен потоп на тимот кој изгледаше несопирливо до оваа фаза на стартот од сезоната.

Баерн Минхен настрада на гостувањето и загуби од Менхегладбах со историски 5:0, а поразот е уште поболен ако се знае дека германскиот првак втора година по ред е елиминиран во втората рунда на националниот Куп.

Баварците рано останаа без шанса да се борат за „двојната круна“ во Германија, но во изминатите неколку часа, служат и за сеир, нешто на што сигурно не се навикнати во последно време.

Овојпат редот и дојде на Борусија Менхегладбах, која преку официјалниот Твитер профил го „поздрави“ Баерн, но направи и споредба со последното големо англиско дерби во Премиер лигата.

Германскиот клуб создаде сојузнички пакт со Ливерпул, односно ја истакна идентичната победа која ја остварија двата тима во дуелите против Баерн и Манчестер Јунајтед.

Gladbach 🤝 Liverpool https://t.co/OA4Yn6oQPU

— Gladbach (@borussia_en) October 27, 2021