Мендеш ги потврдил плановите на Јамал во однос на соработката со Барселона

Ламин Јамал се претвори во голема ѕвезда на Барселона уште пред да наполни 18 години, па фановите на шпанскиот гигант посакуваат тој да остане долго на „Камп Ноу“ и да биде предводник на нова успешна и трофејна генерација.

Договорот на шпанскиот репрезентативец истекува во 2026 година, но во клубот се спокојни за оваа ситуација затоа што Јамал инсистира на тоа дека иднината му е поврзана само со Барса.

Неговиот агент Жорге Мендеш во интервју за „Мундо Депортиво“ појаснил дека продолжувањето на соработката на подолг период е релност, но не знае кога ќе стане официјална.

– Јасно е дека Јамал наскоро ќе го продолжи договорот.

– Она што не го знам во моментов е кога ќе се случи такво нешто, – рекол Мендеш.

Се претпоставува дека клубот го чека 18-тиот роденден на фудбалерот, бидејќи само на таа возраст Јамал може да потпише петгодишен договор.