Менаџерот на Брентфорд за неофицијалниот „светски рекорд“: Не можам да ви ја кажам тајната

Брентфорд не е екипа која се бори за трофеи, но затоа стигна до неверојатно постигнување, кое веројатно е и светски рекорд.

Иако дури ни статистичарите на ОПТА не можат да потврдат дали досега се случило вакво нешто, јасно е дека Брентфорд постави премиерлигашки рекорд откако постигна гол за нецели 40 секунди на три натпревари по ред.

Серијата започна со голот на Виса против Манчестер Сити, а ја продолжи Мбеумо на соочувањата со Тотенхем и Вест Хем.

The first team in @premierleague history to score in the first minute in three consecutive games

Brentford Football Club ⚡️

— Brentford FC (@BrentfordFC) September 28, 2024

Менаџерот Томас Франк вчера бил прашан како неговиот тим успева да реализира толку брзо по првиот сигнал на судијата.

– Не можам да ви ја кажам тајната, – шеговито почнал Франк.

– Навистина ме интересира дали е ова светски рекорд, мора да е светски рекорд. Три гола за помалку од 40 секунди, ова е неверојатно. Секако дека постои планирање, имаме стратегија за изведување на првиот напад и таа се менува од натпревар до натпревар. Би сакал да им честитам на моите фудбалери и на колегите од стручниот штаб, – потенцирал менаџерот на Брентфорд.

PL Table if matches lasted 1 minute. pic.twitter.com/aVSlmlzxBd

— Griffin Park Grapevine (Brentford FC) (@bfcgpg) September 28, 2024

Виса постигна гол за 22 секунди против Сити, додека Мбеумо стрелаше по 23, односно 37 секунди на дуелите со Тотенхем и Вест Хем.

🖐️ for the season@Bmbeumo19 striking once again 🐐 pic.twitter.com/CZlhj9aQKp

— Brentford FC (@BrentfordFC) September 28, 2024