МекТомини за својот престој во Јунајтед: Најчесто бев користен на неприродни позиции

Скот МекТомини доби целосно слобода за игра во Наполи и делува далеку поимпресивно како поофанзивен фудбалер во системот на Антонио Конте, изданија со кои само ги надополни добрите офанзивни претстави кои ги имаше и во својата последна сезона во Манчестер Јунајтед.

Играчот за врска беше принуден да го напушти саканиот Јунајтед и без многу емоции замина во Неапол, а после речиси девет месеци минати во тимот на Антонио Конте, првпат посочи дека всушност во Наполи се чувствува и далеку покомотно на теренот.

Причина за тоа е фактот што во Јунајтед доста често беше игран на неприродна позиција, односно како играч за врска кој има далеку подефанзивни задачи.

– Кога влегов во првиот тим на Јунајтед, многу чесот бев погрешно користен и игран на позиции кои не ми се природни. Сепак, тоа не беше вина на ниту еден тренер. Моите силни страни отсекогаш биле офанзивните карактеристики, влегувањето во шеснаесетникот и постигнувањето голови. Отсекогаш сум бил проблем во шеснаесетникот, но јас најчесто бев користен како дефанзивен играч, како „6-ка“, или како стопер, а тоа не беше мојата природа.

– Сепак, кога играш за првиот тим на Манчестер Јунајтед на таа возраст, не може да затропате на вратата на менаџерот и да очекувате да играте поофанзивно, да играте на местото на Пол Погба. Дури последната сезона почнав да играм поофанзивно и почесто да бидам во шеснаесетникот. Така постигнав повеќе голови и последната сезона беше моја најдобра во клубот. Манчестер Јунајтед секогаш купуваше нови играчи, а јас секогаш бев со истиот менталитет. Бев подготвен за игра во секој момент, само сакав да ја зграбам шансата, без разлика на позицијата на која сум користен, – открива МекТомини.