МекТоминеј пријатно шокиран од една работа во Наполи: Останав без текст

Скот МекТоминеј стана прекуброен во проектот на Ерик Тен Хаг и после 22 години го напушти својот матичен клуб, а сега новата фудбалска авантура ја има во Италија.

Шкотланѓанецот го прифати повикот од Антонио Конте и се пресели во редовите на Наполи, па после првите искуства кои ги доживеа во овој клуб, сега ги испорача и првите импресии во јавноста.

Во разговорот за официјалниот јутјуб канал на клубот, МекТоминеј откри дека се разбудила жарта во него кога добил повик од Конте, но по пристигнувањето во Италија, посебно го шокирала една работа.

– Кога дознав дека Наполи е заинтересиран, се запали оган во мене. Веднаш почнав да притискам кога добив повик од Конте и навистина сакав да дојдам тука.

– Од она што досега го искусив, можам да кажам дека фановите на Наполи се луди, би рекол дека се едни од најдобрите навивачи кои ги имам видено во животот. Навистина е неверојатно, немам доволно зборови за да ги опишам навивачите и луѓето во овој град. Останав без текст. Имам 27 години и веќе не сум мало дете, сакам да притискам и да ја оправдам довербата. Се надевам дека ќе ми успее тоа, – вели МекТоминеј.