Мекманаман најави спектакуларно враќање на Клоп во Бундеслигата: Неговото заминување таму е реално…

Јирген Клоп според многумина во моментов е еден од најдобрите, ако не и најдобар светски тренер.

Германецот успеа да го направи тоа кои многу трнери пред него не успеаја, да го врати Ливерпул во врвот на Премиер лигата, а годинава веројатно по 30 години чекање ќе биде освоена и титулата во англискиот шампионат.

Поранешниот англиски репрезентативеци член на Ливерпул, Стив Мекманаман, верува дека Клоп ќе се врати во Германија и ќе го преземе Баерн Минхен.

– Можам да замислам како се враќа во Германија и го презема Баерн. Начинот на кој се води тој клуб и начинот на кој на него гледаат германските тренери ми кажува дека неговото заминување таму е реално. Баерн сега има одлични играчи, искусни, но и млади и талентирани, -изјави Мекманаман.

Како и да е, овие зборови на Мекманаман барем во моментов изгледаат како „невозможна мисија“ со оглед на фактот што Клоп многупати потврдуваше дека е среќен в Ливерпул, а од неодамна Баерн Минхен му  понуди тригодишен договор на Ханси Флик кој откако седна на клупата на „баварците“ има само позитивни резултати.