Мекиќ одличен во дебито, Задар загуби „добиен меч“ против Сплит

Македонскиот репрезентативец, Адем Мекиќ имаше одлично деби во дресот на Задар, тим во кој се пресели пред неколку дена откако ја заврши приказната со Темишвар во Романија.

Мекиќ се најде во почетната постава на Задар на дербито против Сплит и остави добар впечаток, поточно за 23 минути на паркетот реализираше 15 поени (трет стрелец) со 4 скока, 1 асистенци и 1 украдена топка. Сепак оваа негова партија не беше заокружена на идеален начин затоа што домаќините едноставно загубија добиен меч против големиот ривал.

Задар водеше со 80-73 на 2 минути и 13 секунди до крајот, меѓутоа потоа падна, му дозволи на противникот да направи серија од 11-3 и да слави со 84-83. Клучната тројка ја даде Шортер на 13 секунди до крајот по што следуваше напад за домаќините кој остане неискористен преку Лакиќ.

Калајжиќ со 22 поени беше прв стрелец кај победникот, Рамлјак за поразените пак уфрели 20 кошеви.