МекГрегор испрати порака по веста дека таткото на Нурмагомедов се бори за својот живот

Во текот на вчерашната ноќ руските медиумои пренесоа дека таткот на Хабиб Нурмагомедов е во исклучително критична состојба и приклучен на апарати во болница во Москва, сето тоа како последица на погрешната дијагноза која му била утврдена во родниот Дагестан.

Абдулманап Нурмагомедов е надалеку познат тренер кој произведе огромен број на борци во различни боречки вештини, а од својот син Хабиб направи апсолутен шампион во УФЦ. Лошата вест за неговата загрижувачка здравствената состојба ја пренесе и УФЦ, а ако во нормални денови Конор МекГрегор постојано го вреѓа својот ривал Хабиб, сега го покажа и своето друго, далеку почовечко лице.

Ирецот испрати емотивна порака и испрати огромна поддрша до цело семејство Нурмагомедов, истакнувајќи ја величината на таткото на Хабиб.

– Се молам за заздравување на Абдулманап Нурмагомедов. Тоа е човек кој е одговорен за огромен број светски шампиони во различни боречки дисциплини. Има толку многу, што не ги ни знаеме.

– Тој е вистински боречки гениј, многу сум тажен што ја слушнав оваа вест. Се молам за семејството Нурмагомедов во овие моменти , -порача популарниот „Ноториус“.

Praying for the recovery of Abdulmanap Nurmagomedov. A man responsible for more World champions, across multiple fighting disciplines, than we even know.
A true martial genius!
Very saddened upon hearing this news tonight.
Praying for the Nurmagomedov family at this time 🙏 https://t.co/OVklQphPgN

— Conor McGregor (@TheNotoriousMMA) May 13, 2020