Мегваер застана во одбрана на соиграчот кој го снајде неговата судбина: Тоа не се навивачи на Англија

Хари Мегваер се соочи со низа ситуации да биде исвиркуван и исмеван од домашните навивачи во Англија, но сега со нешто слично се соочува поранешниот капитен на Ливерпул.

Џордан Хендерсон беше понижен од дел од навивачите кога беше изваден од игра на натпреварот против Австралија, а иако вчера преовладуваа аплаузите по барање на селекторот Герет Саутгејт, сепак можеше да се слушне и по некој свиреж.

Хендерсон влезе во игра во последните 20-тина минути од мечот со Италија, а по победата од 3:1 во негова одбрана застана фудбалерот кој најчесто беше во слични ситуации.

– Вистинските навивачи на Англија не ги исвиркуваат своите играчи. Не е фер да се свиркаат играчите кои жртвуваат се за да се обезбедат незаборавни спомени за оваа земја.

– За мене, оние кои го исвиркуваа Хендерсон не се навивачи на Англија. Тука сме за да ја претставуваме Англија и за да изградиме специјални моменти за сите наши семејства, – изјави Мегваер.