Мегваер погоди во „последен час“, Јунајтед со пресврт до осминафиналето во ФА Купот (ВИДЕО)

Манчестер Јунајтед успеа да обезбеди пласман во осминафиналето на ФА Купот и тоа откако вечерва на драматичен начин го доби соочувањето со Лестер 2-1.

Доста коментари и реакции сигурно ќе има за победничкиот гол на Мегваер во 93 минута затоа што изгледа дека при истиот има офсајд, но во оваа четврта рунда нема ВАР технологија што во случајов беше полн погодок за составот од „Олд Трафорд“.

„Лисиците“ го добија првиот дел со 1-0 со голот на Де Кордова Рид во 42 минута. Домаќините заиграа подобро во продолжението и во 68 минута преку Зиркзе дојдоа до 1-1.

Овој резултат беше активен до судиското продолжение во кое Мегваер со удар со глава го матираше својот поранешен тим.