Мегваер објасни зошто не се реализирал трансферот во Вест Хем

Хари Мегваер и во актуелнава сезона е дел од Манчестер Јунајтед што е изненадување со оглед на тоа што падна во втор, трет план кај тренерот Ерик Тен Хаг и едноставно се очекуваше да си замине од клубот во летниот преоден рок.

Вест Хем беше најзагреан за него, па дури и се појавија информации дека тој ја одбил оваа можност за да сега дефанзивецот добие можност и ја каже својата страна, поточно што се случило кога е во прашање оваа тема.

-Редовно да играм е навистина важно за мене, тоа беше во текот на целата моја кариера. Вистинската можност да одам во Вест Хем навистина не беше договорена меѓу двата клуба и мене, така што не беше само моја шанса да кажам „да“ и дека тоа го правам.

-Вистинската можност ја немаше затоа што не стигнавме доволно далеку со неа. Вест Хем е голем клуб, мојот фокус се уште е на Манчестер Јунајтед. Сакам да се борам за моето место, но се разбира играњето е навистина важно за мене, -порача Хари кој и покрај тоа што има слаба минутажа во премиерлигашот постојано добива повик за настап во англиската репрезентација.