Мегваер има план за својата иднина и тој не оди во прилог на Тен Хаг

Ерик тен Хаг посакува да се ослободи од Хари Мегваер, но актуелниот капитен на Манчестер Јунајтед има поинакви планови, тврди редакцијата на „Ток Спорт“.

Дефанзивецот не е во прв план и добиваше мала минутажа последната сезона, што дефинитивно е знак дека треба да размислува за нов предизвик, а Тен Хаг со своите изјави навести дека не планира да му го менува статусот на стоперот ни наредниот период.

Мегваер е на мета на Тотенхем и Астон Вила, но според изворите на медиумот, засега не планира да се одлучи за заминување од „Олд Трафорд“, што индиректно влијае и на трансфер активностите на Јунајтед.

Тен Хаг сака да ги реинвестира парите во купување на Ким Мин-Јае од Наполи, но останувањето во Мегваер може да ја одложи оваа акција на одредено време. Менаџерот на Јунајтед се надеваше дека позитивен ефект на неговиот план ќе има и предупредувањето на англискиот селектор Герет Саутгејт во однос на иднината на Мегваер во националниот тим без посериозна минутажа, но и тоа досега не донесе резултати.

Мегваер забележа само 16 настапи последната сезона, само осум од нив беа во улога на стартер, додека најголемиот дел значеа престој од само неколку минути на теренот за дефанзивецот.